Теҥгече Йошкар-Олаште «Финно-угор транзит» фестиваль эртыш

             Теҥгече Йошкар-Олаште «Финно-угор транзит» фестиваль эртыш. Тудын тенийсе темыже- «Проекция в театр 2.0». Тушто самодеятельный театр, усталык коллектив ден студий- влак миф, эпос, финн-угор калыкын йӱлаже негызеш, сем да фольклор программе дене постановко- влакым ончыктат. Тӱнямбал сымыктыш да калык усталык фестивальым торжественно Марий Самырык театрын сценыштыже почмо. Погынышо- влакым Тамара Дмитриева лӱмеш «Эрвел марий» калык ансамбль саламлен. Вара Сергей Чавайн лӱмеш Морко калык театр «Нурмучаш Валюш» спектакльым ончыктен. Туддеч вара Коми республике гыч уна- влак «Радлун» калык ансамбльын артистше- влак сӱан  водын оръеҥын касым кузе эртарымыже нерген йӱлам ончыктеныт. Таче фестивальын участникше- влак Куженер районыш миеныт. Тушто Кӱсотын юзо шӱлышыжӧ нерген пален налыныт,, аралтышым ышташ тунемыныт, Россий тӱвыран сулло пашаеҥже Евгений Каменщиков дене вашлийыныт. Вара ик арня гыч «Финн-угор транзит» Удмуртийыш кая, Умбакыже - Карелийыш. Тенийсе Фестиваль проект Коми-Пермяк округышто концерт программе дене мучашлалтеш.