Марий Элыште мобилизоватлыме боец- влаклан шокшо вургемым да малыме мешакым наледат

            Марий Элыште мобилизоватлыме боец- влаклан шокшо вургемым да малыме мешакым наледат. Йошкар-Олан мэрже Евгений Маслов Марий Эл гыч мобилизоватлыме еҥ- влалкан экипировко нерген йодыш- влаклан вашештен. Тудо каласен: мобилизоватлыме еҥ- влаклан мо кӱлешым кугыжаныш ситара. Но ешартыш тӱткышым йодшо йодыш- влакат улыт: быт арвер, экипировка- нуно боевой задачым качественно шукташ палемдыме деч шукырак кӱлеш лийын кертыт. Тидымат умылыман,- манын мэр. Эше ешарен: Йошкар-Ола гыч кодшо арнян кум тӱшка пӧръеҥ- влакым колтымо. Нуно ончыч Ульяновскысо ик военный частьыш логалыт. Тушто команде радамыште тунеммашым эртат, армийыште тунеммыштым шарналтат. Кугарнян  кайыше резервист- влаклан ешартыш арверым налме: малыме мешакым, коврикым, чурийым петырыше калпакым, термобельём, шокшо носким, перчаткым. Ондак кайыше земляк- влакымат монден огынал. Кызыт шокшо вургемым наледена да нунылан колтена. Поснак таум каласена Йошкар-Оласе эмлыме верлан. Нуно 45 малыме мешакым налын пуэныт,- каласен Евгений Маслов.
             Фото: Марий Элым вуйлатышын пресс-службыжо.