Моркышто вӱдым пушкыдемдыше станцийым чоҥат
Моркышто вӱдым пушкыдемдыше станцийым чоҥат. Рӱдӧ водозаборышто тудым тений идалык мучаш марте ыштен шуктышаш улыт. Вӱдым мланде йымач кум скважине луктеш. Нуным ик водоводыш ушымо. Тушкак вӱдым пушкыдемдыме станций ушнышаш. Объектым кызыт 72 процентлан ыштыме. Тачысе кечылан специалист- влак станцийын павильонжым монтироватленыт, канализаций ден пучым пыштеныт, шым канализаций вынемым ыштыме. Тыге кум тӱжем еҥ яндар йӱшаш вӱдым налаш тӱҥалеш. Паша «Илыме вер да оласе кумдык» калыкле проектын «Ару вӱд» федерал программыже кышкарыште шукталтеш.
