«Тархановышто» тынеш пуртымо домовой храмыш ыресым нӧлталыныт

              «Тархановышто» чоҥалтше храм кумдыкышто верланыше тынеш пуртымо домовой храмыш ыресым нӧлталыныт. Ыреслан шнуй шӱлышым пуртымо чиным Йошкар-Олан да Марий Элын митрополитше Иоанн вуйлатен. Тиддеч вара ыресан куполым кран дене нӧлталын верышкыже шындыме. Шнуй Юмынаван юмоҥаже лӱмеш Тархановысо храмым да рушарня школын зданийжым чоҥымаш мучашыш лишемеш. Храмыште кӧргӧ пашам шуктымо, иконостасым вераҥдаш кодын. Пашазе- влак кызыт фасадым чиялтат. Тынеш пуртымо домовой храм зданийын рӱдыштыжӧ верланен. Тудым князь Владимир лӱмеш святитлаш шонат. Тиде зданийыштак рушарня школын классше- влак, книгагудо, актовый зал, кочмывер, моло административный да озанлык пӧлем- влак верланат.
             Фото: Йошкар-Ола епрахийын сайтше.