Таче- туныктышо- влакын кечышт

            Таче- туныктышо- влакын кечышт. Марий Элым вуйлатыше Юрий Зайцев туныктышо да туныктымо пашан ветеранже- влакым профессионал пайремышт дене саламла. Туныктышо-  кугу ответственностян, тыршен ыштыман, усталыкым, йоча- влакым йӧратымашым йодшо эн поро да кӱлешан профессий. Тиде пашашке чон йодмо почеш толыт да шӱм кӱштымо почеш тыршат. Тендан пашада деч еҥ- влакын пӱрымашышт, республикын да элнан ончыкылыкшо шога. Те йоча- влакым шинчымашым погаш, шочмо элым йӧраташ кумылаҥдеда, шонымашке шуаш, нелылыкым сеҥаш, келшаш, ваш-ваш полшаш туныктеда. Самырык тукымым шуарымашке пыштыме кугу надырланда тау, - ойлалтеш республикым вуйлатышын саламлымашыштыже.
             Фото: Марий Элым вуйлатышын организаций да аналитик виктемже.