Лу ийлан газифицироватлыме республикысе программым пеҥгыдемдыме

              Республикыштына лу ийлан газифицироватлыме республикысе программым пеҥгыдемдыме. Марий Эл Правительствын 29-ше сентябрьысе пунчалже дене у программым пеҥгыдемдыме да южо пунчалын вийым йомдарымыжым шотыш налме. Программын мероприятийжым шуктымо кышкарыште 2030-шо ий марте посёлкыла кокласе тӱжемат 900 меҥге да посёлкыла кӧргысо 900 меҥге кужыт пучым чоҥаш, «Кокшамарий» газпуч да газораспределительный станцийым ышташ, «Волжск» станцийым пужен ышташ палемдыме. Тыге калыклан газым ситарымаш 85 утла процентыш шушаш. 2026-шо ий гыч яллаш газым пурташ палемдыме жап Российысе программым пеҥгыдемдыме деч вара рашемдалтеш. Тыгак Килемар да Юрино районлаш газым пуртымо йодыш ончалтеш. Тушто проект паша шушаш ийын тӱҥалеш.