Республикыштына тунемше- влаклан вич кечаш тунемме сбор- влак тӱналыныт

           Республикыштына тунемше- влак дене кажне ийын эртарыме вич кечаш тунемме сбор- влак тӱналыныт. Тушко армий ийготыш шудымо школ ден профессионал тунемме тӧнежлаште шинчымашым погышо- влак чумыргеныт. Эн ончыч сборым эрташ «Авангард» сарзе да патриотизм шӱлышеш шуарыме рӱдерыш Ургаш посёлкысо лицей- интернатын, шуко профилян лицей интернат да Политехнический лицейыште тунемше-влак толыныт. Вич кече жапыште нуно лӱйкалыме, строевой, тактике, вий-куат да сарзе-медицина ямдылалтмаш курсым, радиаций, химий да биологий аралалтмаш курсым эртат, воин уставым, сарзе службын лӱдыкшыдымылык негызшым тунемыт, армий илыш дене палыме лийыт. Тунемме идалык мучаш марте сарзе службыш ямдылалтмашым армий ийготыш шудымо кок тӱжемат 500 рвезе эртышаш.
            Фото: Туныктыш министерстве.