«Чодыра многоборье» таҥасымаш эрта

            Йошкар-Олаште «Чодыра многоборье» таҥасымаш тӱҥалын. Чодыра пашалан туныктышо Колледж, техникум, университетлаште тунемше- влак коклаште Россий кӱкшытан профессионал да прикладной таҥасымашым торжественно почмо. Тудо Юлтех негызеш эрта. Рослесхоз тудым ынде лу ий утла эртара. А Юлтех тудым ынде нылымше гана шке деныже вашлиеш,- палемден  Рослесхозым вуйлатыше Иван Советников. Тений Чодыра многоборьеште 17 субъект да 5 федерал округ гыч 23 команде таҥаса. Тиде- шым вуз да 16 чодыра колледж гыч 70 наре участник. Судейский коллегийыштыже Марий Элысе да Татарстанысе пӱртӱс поянлык да чодыра озанлык министерствылан, Рослесинфорг, Авиалесоохране, Рослесозащите организаций- влакын еҥышт улыт.
           Фото: Пӱртӱс поянлык министерстве.