Специальный сарзе операцийыште участвоватлыше росгвардеец- влак пӧртылыныт

            Республикышкына специальный сарзе операцийыште участвоватлыше росгвардеец- влак пӧртылыныт. Росгвардийын сводный отрядше Донбасысе калыкым аралыме специальный сарзе операцийыште нунын ончылно шындыме чыла служебно-боевой задачым шуктен служебный командировко гыч пӧртылын. Лишыл еҥышт да коллегышт дене пырля марий мландыште нуным Марий Элым вуйлатышын лӱмжӧ дене Правительстве председательын алмаштышыже Степан Воронцов вашлийын. Пӧртылшӧ- влаклан тудо задачым шуктымыштлан да чылан пӧртыл толмылан тауштен ойлен. Марий Элыште тӱҥ федерал инспектор Павел Волков куштылго огыл, но кӱлешан пашаштым палемден. Кӱкшӧ профессионализмым ончыктымылан сотрудник- влаклан Республикым вуйлатыше дене тӱҥ федерал инспекторын ташутымашан серышыштым кучыктымо. Росгвардий виктемым вуйлатыше, полицийын полковникше Геннадий Файзуллин «За боевое отличие», «За заслуги в укреплении правопорядка» ведомствын медальже- влакым да «За отличие в службе в особых условиях» да  «Участник боевых действий» оҥеш пижыктыме знак- влакым кучыктен. Ынде Росгвардеец- влак каналтат да шкеныштын эре шуктымо пашашт деке пӧртылыт.
           Фото: Марий Эл Правительстве.