Республикын сарзе комиссарже калык дене вашлиеш
24-ше октябрьыште 14 гыч 15 шагат марте Республикын сарзе комиссарже Сергей Сидоркин Россий президентын приёмныйыштыжо калыклан вашлиймашым эртара. Тушко мийыше- влак военный службыш призыв, службым эртыме, призывник- влакын медицина тергымашым эртымышт, армий деч отсрочка, контракт почеш служба да моло йодыш- влакым рашемден кертыт. Тыгак службым эртыме деч вара калыкым право да социал аралымаш йодыш дене умылтарымашым налаш лиеш. Приём Йошкар-Оласе Успенский урем, 38-ше пӧрт, 107-ше пӧлемыште лиеш. Пелен документым налман. Ончылгоч 45-40-31 телефон дене возалташ кӱлеш.
