Тений Йошкар- Олаште ыштыме 32 миллиард теҥгеаш сатум колтымо
Ямдылыме промышленный продукцийым оптен колтымо кугыт экономикын могай улмыжым ончыктышо ик эн тӱҥ пале. Статистикын ончыктымыж почеш тенийсе икымше пелийыште Йошкар- Ола гыч сатум 32 миллиард теҥгелан колтымо. Тыге, 2018-ше ий дене таҥастарымаште промышленный производствын индексше 111 процентыш шуын. Таҥастарашлан: республике мучко кокла шот дене индекс 105 процент лийын, а Россий мучко- 102 процент. Кугытын ешаралтмыже, тӱҥ шотышто, обрабатыватлыше производствылан кӧра лийын. Тыгак сай лектышым полиграфий пашаште, компьютерым, электрон да оптик сатум ыштымаште, вурегмым, резине да пластмасс изделийым, кӱртньӧ сатум, йӱышым, машина ден оборудованийым лукмаште ончыктымо.
