Марий Эл гыч гуманитар полышым мобилизоватлыме еҥ- влакым ямдылыме пунктыш колтымо

          Таче Марий Эл гыч гуманитар полышым мобилизоватлыме еҥ- влакым ямдылыме пунктыш колтымо. Калыкын погымо окса дене налме Гигиена кӱлешлыкым, шокшо вургемым таче Ульяновск областьысе войсковой частьыш колтымо. Тушто мемнан республике гыч мобилизаций почеш колтымо еҥ- влак сарзе ямдылалтмашым эртат. Тидын нерген спорт-туризм министрын алмаштышыже Михаил Камаев совещанийыште ойлен. Тудын мутшо почеш, Донецк да Луганск республикысе калыклан да мобилизаций почеш ӱжмӧ еҥ- влаклан  гуманитар полышым погымо пункт Самырык- влак полатыште пашам ышта. Юрий Зайцев тидым каласен: Ульяновск оластьысе воин частьыш мый шке миен толаш шонем. Мемнан пӧръеҥ- влаклан мо кӱлешым да мо ок ситым лач нуно шке каласен кертыт. Полышым чын погена мо, оксам чын кучылтына мо? Мемнан посна счётым почмо. Тушко кумылан- влак шийвундым кусарен кертыт. Тудым лач воин- влаклан полышым пуаш кучылтмо лиеш. Сарзе комиссар Юрий Аксёновын мутшо почеш Ульяновск областьысе частьын командованийже дене кылым ыштыме. Командирын мутшо почеш пӧръеҥ- влаклан мо кӱлешым чыла ситарыме. Республикысе калыкын полшаш шонымыжо тиде пеш сай да куандара. Мом погымо да воин частьыш колтымо, мутат уке рвезе- влаклан задачым шуктымаште полшаш тӱҥалеш,- каласен Юрий Аксёнов.
             Фото: Марий Элым вуйлатышын организаций да аналитик виктемже.