Марий Элысе сай опыт «Пашам ушан виктарыме картотекыш» пурталтеш
Республикым вуйлатыше Александр Евстифеев теҥгече Озаҥ олаште «Библиотека умных решений «Смартека» агентствын сессийыштыже лийын. Тушто республикын сай опытшо нерген каласкален. Тыгак моло кундемлам вуйлатыше- влак дене парля виктарен колтышаш пӱсын шогышо йодыш- влакым каҥашымашке луктын. Сессий Озаҥысе «Точка кипений» площадкыште эртен. Александр Евстифеев ик эн тӱҥ докладчик лийын. Тудо палемден: «Точка кипений» Йошкар- Олаште кодшо ийын почылтын. Тушто ятыр йодышым каҥашыме. Тушечын иктыже- ондалалтше дольщик- влакын йодышыштым виктарен колтымо. Тыгай еҥже 130 уло. Нунын кокла гыч 85-ше пачерым налшаш, молыжо- окса компенсацийым. 2020-шо ий мучаш марте ик ондалалтше дольщикат лийшаш огыл, манын тудо. Тыгак Евстифеев калыкле проектыш пурыдымо, но кугу оксам йодшо проблеме- влак нерген ойлен. Мутлан, оласе коммунал сеть- влак. Нуным ятыр ий дене олмыктымо огыл. А тудын деч йӱшаш вӱдын качествыже шога. Александр Евстифеев эше чоҥымо пашаште кӱлешан сырьё нерген ойлен. Теве тыгыде кӱм ме Оренбург областьыште налына. Тудым декабрьыште ак иземме годым налаш гын, сай лиеш ыле. Но закон почеш тидым ышташ ок лий. Сырьё нерген мут лекмеке, тидымат ушештарен. Мамыкым ончен- куштышо кундем- влак тудым шергын ужалат. Сандене ме йытыным ончен-кушташ тӱҥалынна. Но тыштат посна полномочий кӱлеш. Шылым шкаланна кӱлеш деч 348 тӱжем тонным ыштен налына. Но моло кундемлаш колташ нелылык лектеш. Сандене регионласе бренд- влакым регистрироватлыман, манын тудо. Бизнес-сообщество виш вашкыл да поро шонымашан корно дене кайышаш. Брендым регистрироватлаш кӱлеш. Тудо поянлыкым пайлаш гына огыл туныкта, тушечын пайдам налашат йӧным пуа. Марий Эл опыт дене ваш палдараш, Татарстан да моло кундем дене поро кылым ышташ почмо да ямде улеш,- мучашлен шке ойжым Александр Евстифеев.
