Федерал бюджетник- влакын пашадарышт кугемеш
Икымше октябрь гыч президентын майысе указышкыже пурыдымо федерал бюджетник- влакын пашадарышт 4,3 процентлан кугемеш. Тудо чыла федерал тӧнежым авалта: казённый, бюджетный да автономный- влакымат. Пашадар тыгак регионысо да муниципал бюдежтник- влакынат ешаралтшаш. Идалык тӱҥалтышыште Российысе кум шӧрынан комиссий чыла регионыш икымше октябрь гыч 4,3 але шукыраклан пашадарым кӱзыкташ темлымашым колтен. Сандене кундем- влак тидым шотыш налын, оксам бюджетыште палемдышаш улыт ыле. Эн ончычак йоча садлаште пашам ыштыше няня, кадр пашаеҥ, бюджет тӧнежлаште ыштыше юрист, бухгалтер да моло категорий пашаеҥ- влакын пашадарышт кугемшаш.