Таче «Калыкле формат. Калык сымыктыш- калыкле поянлык» ончер почылтын.

Таче калыкле художественный галерейыште «Калыкле формат. Калык сымыктыш- калыкле поянлык» ончер почылтын. Проект Россий президентын грант оксаже кӱшеш шыҥдаралтеш. Тудо регион- влак кокласе кугу ончер- проектлан шотлалтеш. Тудын кышкарыште кусныл коштшо ончерым чумырымо. Нуно Угарман, Озаҥ, Саранск, Йошкар-Ола, Чебоксарыште пашам ыштат. Проект 22-шо июнь гыч 24-ше ноябрь марте шыҥдаралтеш. Тудо Угарманыште тӱҥалын. Тушто хохлома, городец, полхов-майдан росписьым, чкаловысо гипюрым, шӧртньӧ шӱртӧ дене тӱрым, шахунысо куэмым, казаковысо филиграньым, юл кундемыште пушеҥге гыч пӱчеден ыштыме пашам, модышым ончыктымо. Выставкыш оксам тӱлыде тачысе кече гыч пураш лиеш.