Шернур районышто куштылго атлетике кросс эртен

Шернур районысо Купран школышто физкультурым туныктышо- влакым шарныме лӱмеш 22-шо куштылго атлетика кросс эртен. Таҥасымашке районысо школла гыч команде- влак, Куженер, Советский, Марий Турек, Медведево районла гыч еҥ- влак да Чувашийысе Канаш олан командыже погыненыт. Чылаже 350 наре еҥ лийын. Кроссын правилже почеш, тунемше- влак кум ийгот дене шелалтыныт: 3-5-ше класс, 6-8-ше  да 9-11-ше класслаште тунемше- влак. Пӱсӧ ӱчашымаш деч вара команде- влак коклаште сеҥышыш Куженер районысо Шӱдымарий школ лектын. Кокымшо ден кумшо верым Шернур районысо Кугенер да Шудымарий школ- влак налыныт. Кыдалаш школ- влак коклаште икымше верыш Марисола школ, кокымшыш Шернурысо кокымшо школ, кумшыш Советский районысо Ӱшнур школ лектыныт.