Шернур районышто олмыктымо корнын ужашыжым комиссий сайлан шотлен
«Лӱдыкшыдымӧ да сай качестван автомобиль корно- влак» калыкле проект почеш олмыктымо «Шернур- Казанское-Кукнур» корнын олмыктымо ужашыжым кугыжаныш комиссий приниматлен. Пашан кузе кайымыжым Республикым вуйлатыше Александр Евстифеев шке терген шоген. Тиде корнын 10 меҥге кужытшым олмыкташ 117 миллион утла теҥге оксам кучылтмо. Тиде корным пытартыш гана 1992-шо ийыште олмыктымо улмаш. Тений пашам ыштыме годым корнын ӱмбал ужашыжым нӱжен налме, йӱштӧ регенраций йӧным кучылтмо, асфальтым шарыме. Ограждений- влакым, вӱд йогымо верым, разметкым ыштыме. Пашам приниматлыше комиссийыште «Марийскавтодорын», «ПСБ» ушенмын, ГИБДД-н «Марий Эл Дорстройын» еҥышт лийыныт. «Марий Эл Дорстрой» коллективын ӱшаныме пашам сайын шуктымыжым палемденыт.
