Красногорскысо автофургон комбинат кусныл коштшо кинде заводым ончыктен
Калуга областьыште потребкоопераций- влакын «Кинде, тый-тӱня» тӱнямбал форумышт пашам ыштыш. Тушко Российысе 70 кундем гыч да тӱнямбалсе 36 эл гыч толшо- влак дене пырля Марий Элынат делегацийже миен ыле. Нуно йыргешке ӱстел йыл мутланымаште, тӱнямбал сессийлаште, студент фестивальлаште, проектлан презентацийыштышт лийыныт. А Красногорскысо автофургон комбинат куснен коштшо кинде заводым ончыкташ намиен. Тудо кеч- куштат уржа да шыдаҥ ложаш гыч киндым кӱэшт кертеш. Заводым КамАЗ грузовик негызеш ыштыме. Тудын кузов-контейнер шотан куд модульжо уло. Кусныл коштшо кинде завод суткаште кум тоннат пеле киндым кӱэшт луктын кертеш.