Йошкар-Оласе калыкым кок тӱшка субботник вуча

Увертарыме ыле: шыжымсе арулык месячник кышкарыште Йошкар- Олаште 27-ше сентябрьын да 4-ше октябрьын тӱшка субботник- влак эртат. Тушто тений посна тӱткыш пушеҥге ден кушкылым шындымылан ойыралтеш. Пеҥгыде шӱк-куштыра дене пашам ыштыше регионысо операторлан корно, тротуар, газон, сквер, парк, кудывечыла гыч тӱшка субботник- влак кечын 26, 27, 28-ше сентябрьыште да 3,4,5-ше октябрьыште оласе свалкыш шӱкшакым налаш темлыме. Оласе калыкым арулыкым ыштымашке чолган ушнаш ӱжыт.