Самырык- влакым аракам йӱмаш деч аралаш кӱлеш
Самырык- влакын полатыштышт республикысе туныктышо да воспитатель- влаклан семинар эртен. Погынышо- влакым спорт- туризм министерствын да МВД-н ийготыш шудымо- влакын пашашт шотышто подразделенийын еҥышт саламленыт. Инспектор Наталья Соколова палемден: тенийсе 8 тылзын лектышыже почеш республикыште ийготыш шудымо- влакын ыштыме осал паша 22 утла процентлан ешаралтын. Семинарыш погынышо- влак кугу тӱткышым ийготыш шудымо- влак коклаште арака йӱмашын шарлымыжан да тидлан кӧра осал пашам ыштымыштлан ойыреныт. Ийготыш шудымо- влакын ыштыме осал паша гыч кажне визымшыже йӱшӧ вуя ышталтын. Ийготыш шудымо- влакым арака йӱмашке ушымылан административно мут кучаш 20 еҥым шогалтыме. 16 ийыш шудымо- влакын йӱмыштлан 56 ача-авам мут кучаш ыштыме. Мучашлан погынышо- влак таза илыш йӱлам кучаш таратыше лектышан профилактике пашам эртараш темлыме.