«Быт-2019» оперативно-профилактик мероприятий мом ончыктен?

Полиций пашаеҥ- влак «Быт-2019» оперативно-профилактик мероприятийым иктешленыт. 10 кече жапыште профилактике учётыш 171 еҥым шогалтыме, 61 осал пашам пален налме, нунын почеш 53 уголовный пашам тарватыме. Тыгай мероприятий сурт-кӧргыштӧ ыштыме осал пашам шижтараш, еш коклаште правонарушенийым кораҥдаш да ийготыш шудымо- влак шотышто осал пашам шагалемдаш манын эртарлтеш. Полиций пашаеҥ-влак сурт-коклаште правнорушенийым ыштыше 460 еҥым, подылаш йӧратыше 280 еҥым, наркотик дене пайдаланыше 297 еҥым да 111 притоным терген лектыныт. Тергыме годым 374 административный правонарушенийым рашемдыме. Тушечын 10-жым ийготыш шудымо- влак, 91-тыжым ача-ава ыштеныт, 39 еҥым кидым нӧлталмылан административно мут кучаш шогалтеныт. Тыгак мероприятий радамыште полиций пашаеҥ- влак газ службын еҥышт дене пырля газ оборудований дене пайдаланыме правилым пудыртышо 109 адрес дене миеныт. Тыге Параньга районышто газ магистраль деке шкевуя ушнышо ик еҥым пален налме. Мероприятийыште социал аралтыш органын да ийготыш шудымо- влакын пашашт шотышто комиссийын еҥышт участвоватленыт.