Калуга областьыште «Кинде, тый- тӱня» тӱнямбал форум кая
Марий Элын делегацийже потребкооперацийын предприятий ден организацийже- влакын «Кинде, тый- тӱня» тӱнямбал форумыштышт участвоватла. 19-ше гыч 22-шо сентябрь марте Россий портебкооперацийын координоироватлыше органже- Центросоюз ден Калуга областьын администрацийже Россий правительствын полшымыж дене областьысе «Этномир» этнографий парк-тоштер негызеш «Кинде, тый-тӱня» тӱнямбал форумым эртарат. Форум кышкарыште Российысе 40 регион да тӱнясе 50 элын профессионалже- влак агропромышленный комплексын сеҥымашыже дене палдарат. Марий Эл гыч тушто ял озанлык министрын алмаштышыже Андрей Кондратенкон вуйлатыме делегаций участвоватла.