Водитель- влак 135 миллионат 300 тӱжем теҥге штрафым тӱлышаш улыт
Таче Йошкар- Олаште водитель- влакын парымышт уло але укем тергат. Тений 136 миллион теҥгелан пунчал- влакым лукмо ыле. Нунын парымыштым тӱлымыштым таче корнылаште тергат. Тӱшка тергымаш- влакым ГИБДД-н пашаеҥже-влак пристав- шамыч дене пырля эртарат. Водитель- влакым данныйын базыже гоч ончат. Тений икымше январь гыч 20-шо сентябрь марте корно правилым пудыртымылан 152 тӱжемат 500 утла пунчалым лукмо. Тудын почеш 135 миллионат 300 тӱжем теҥге штрафым тӱлышаш улыт ыле. Тымарте 58 миллион теҥгем гына тӱленыт. Ӧкым тӱлыкташ пристав- влак 21 тӱжемат пеле пунчалым луктыныт. Палашлан: штрафым 60 сутка жапыште тӱлен шуктыман. Коло суткаште тӱлен шуктат гын, пел аклан шулдырак лиеш. Жапыштыже тӱлыдымылан, штрафын кугытшо кок пачаш кугемеш, але 15 суткалан петырен кертыт. Тидын годым штрафым садак тӱлыман.