Ынде Шернурыштат лучевой диагностикым ыштыме мобильный комплекс лиеш
Ынде Шернурыштат лучевой диагностикым ыштыме мобильный комплекс лиеш. «Тазалыкаралтыш» калыкле проектын тӱҥ положенийже- влакым шыҥдарыме кышкарыште Шернур районысо эмлыме вер мобильный цифран технологий дене флюорографийым да шӧр туым шымлаш маммографийым эртараш тӱҥалеш. Чыла тергымаш да шымлымаш чаплын йӧнештарыме верыште эрта. Комплексыште кондиционер, ырыктыме системе, шокшо кӱвар, вӱдым ырыктыме оборудований, вӱдым тулышо насос да молат лиеш. Туштак снимке, диагноз, рентген иктешлымаш аралалташ тӱҥалеш. Пашаеҥ- влак мобильный комплекс дене пашам ышташ инструктажым эртеныт, ик еҥ «Рентгенологий» корно дене шинчымашым нӧлта.