Тений 680 военнослужащий илыме веран лийын
Регионысо илыме верым ситарыме рӱдӧ виктемын Йошкар-Оласе пӧлкаштыже увертарыме почеш, тений индеш тылзе жапыште военнослужащий- влак да нунын ешыштын илыме верлан праваштым шуктымо. Тыге, 680 военнослужащийын ешыштлан илыме верым пуымо. А тиде кок тӱжем утла еҥ лиеш. 50 военнослужащий илыме верлан субсидийым налын. Нуно шке пӧртым чоҥат але оксала налыт. Кок военнослужащийын ешыже Санкт- Петербургышто пачерым налаш шона. Контракт почеш службым эртыше 213 еш специализированный илыме веран лийын, 183 еҥлан илыме верым айлымылан компенсацийым пуымо. 67 еҥ жилищный заёмлан свидетельствым налаш праважым кучылтын. Тиддеч посна военный службо гыч кайымеке, 165 еҥлан накопительный счётыштыжо погынышо оксам тӱлымӧ.