Самбо дене Российысе таҥасымаште Руслан Хасанов кумшо верым налын
Самара областьысе Кротовка ялыште самбо кучедалмаш дене пӧръеҥ- влак коклаште Россий кӱкшытан танасымаш- влак эртеныт. Нуно кугу Ачамланде сарын участникше Сапруновым шарнымылан пӧлеклалтыныт. Таҥасымашке элысе 17 регион гыч 100 утла участник чумырген. Марий Эл гыч Медведево посёлкысо «Добрыня» самбо клуб гыч тренер Михаил Ельцовын тунемшыже Руслан Хасанов миен. Тудо куд кучедалмашым эртарен, кок гана сеҥалтын да 68 килограмм марте нелытан- влак коклаште кумшо верым сеҥен налын. Спорт мастерыш кандидат разрядшым уэш пеҥгыдемден.
