1-ше октябрь- илалше- влакын кечышт

Шыжын ик эн поро пайремже- Илалше- влакын тӱнямбал кечышт лишемеш. Оласе тӱвыра тӧнежлаште тиде пайремлан ямдылалтмаш кумдан кая. Тӱвыра полат, книгагудо- влак коча-кова- влаклан шке омсаштым почаш ямдылалтыт. Поро йӱла семын Сеҥымашын 30-шо идалыкше лӱмеш тӱвыра полат оҥай мероприятий- влакым темла. Кокымшо октябрьыште 14 шагатлан духовой оркестр шокта, 15 шагатлан усталык коллектив- влакын концертышт лиеш. Икымше октябрьыште 14 шагатлан Ленин лӱмеш тӱвыра полатат концертым ончыкта. Россий Армийын тӱвыра полатше икымше октябрьыште ятыр мероприятийым темла. Тиде кечынак книгагудылаштат пайрем мероприятий- влак лийыт.