Идалык мучаш марте Гериатрий рӱдерым почаш шонат

Тений идалык мучаш марте Республикысе сарын ветеранже- влаклан клинический госпитальыште шоҥгыеҥ дене пашам ыштыше Гериатрий рӱдерым почшаш улыт. Тазалыкаралтыш министерствын уверже почеш, тений Козьмодемьянскысе эмлыме верыште врач-гериатрын пӧлемже почылтшаш. Шушаш ийын тыгаяк кабинет- влак Волжскысо эмлыме верыште, Йошкар-Оласе кокымшо поликлиникыште, сарын ветеранже- влакын госпитальыштышт  лийшаш улыт. Кызыт кундемыштына тиде корно дене эмлыше 41 койко уло. Тушечын 38-ыже сарын ветеранже- влакын госпитальыштышт, кумытшо- Микрак эмлыме верыште. Тений январь гыч август марте тушто 766 еҥ эмлалтын. Кызыт республикыште «гериатрий» сертификат дене ныл врач пашам ышта. Кодшо ийын 52 специалист тунем лектын, эше 9 медицина пашеҥым туныкташ палемдыме.