Илалше еҥ- влакын клубласе ушемыштын республикысе фестивальышт лиеш
4-ше октябрьыште калыкле президент сымыктыш школышто илалше еҥ- влакын клубласе ушемыштын республикысе фестивальышт лиеш. Тудо кугурак тукымын илышыштым саемдыме да полышым пуымо шотышто регионысо программе кышкарыште эрта. Фестивальышке клуб ушемлашке коштшо 55 ияш деч кугурак ӱдырамаш- влак да 60 ияш деч кугурак ийготан пӧръеҥ- влак ушнен кертыт. Нуно мурен, куштен, кид-пашам ыштен моштымыштым ончыктат. Фестиваль радамыште тыгак илалше- влаклан пӧлеклалтше республикысе фотоончер лиеш.
