Эрла туризмын тӱнямбал кечыже палемдалтеш
Эрла туризмын тӱнямбал кечыже палемдалтеш. Йошкар-Олаште тудым модмаш дене палемдат. Историй да археологий тоштер «Марий Элыште илаш жап» квиз-модмашыш ушнаш ӱжеш. Жапым пайдалын эртараш шонышо- влак вич-шым еҥан командым чумырен, регистрацийым эртен кертыт. Тидлан 34-75-32 номеран телефон дене йыҥгыртыман. Туризм кечым пайремлымашке Благовещений башнят ушна. Тушто оҥай приз- влакым модман акций эрта.