Коронавирусым эмлыше медицина пашаеҥ- влакым Российын наградыж дене палемдыме
Республикысе Роспотребнадзор виктемын сотрудникше да медицина пашаеҥ- влак коронавирус дене кучедалмылан Чап Грамот ден тауштымашым налыныт. Тидын шотышто распоряженийым да Указым Российын Президентше Владимир Путин пеҥгыдемден. Тушто специалист- влакын инфекций дене кучедалмашке пыштыме надырыштым, врач да профессионал порысыштым шуктымо годым чолгалыкыштым да кӱкшӧ профессионализмыштым палемдыме. Чап Грамот дене 6 врач, тауштымаш дене 9 врач да медшӱжар, Пироговын орденже дене 9 врач, биолог, фельдшер-лаборант- влак палемдалтыныт.
