Шушаш ийын тӱзландарышаш кундем верч йӱклымаш тӱҥалеш
Йошкар-Оласе калык шушаш ийын тӱзландарышаш кундем- влак верч йӱклен кертеш. Теҥгече Йошкар-Ола администрацийыште мер комиссийын заседанийже эртен. Тушто йӱклымашым эртарыме кече да тудым эртарыме йӧн нерген ойленыт. Шушаш ийын олмыктышаш кундемым ойырен налме шотышто йӱклымаш шушаш кугарнян 11 шагатлан тӱҥалеш. Тушко оласе 33 тӱшка кумдыкым пуртымо. Йӱкым кум кече жапыште 20-шо июль 11 шагат марте пуаш лиеш. Шке шонымашым ола округын официальный сайтыштыже каласыман. Олаште илыше, 14 ийыш шушо кажне еҥ йӱклымашке ушнен да тӱзатышаш кумдыкым ойырен налын кертеш. Тидын годым икмыняр кумдыклан шке йӱкым пуаш лиеш. Кодшо ийын 28 тӱжем еҥ йӱклымашке ушнен ыле.