Юркино кундемым аруракым ыштеныт

ОНФ-ын чолга еҥже- влак Юркино лесничестве кундемыште арендатор да кумылан еҥ- влак дене пырля Экологын кечынже субботникым эртареныт. Нуно 50 тонн утла шӱк-куштырам погеныт да полигоныш наҥгаеныт. 900 наре еҥ илыман Юркино посёлкышто шӱкшакым тӱшкан огыт пого. Тиде пашам администраций  1-ше июль гыч веле тӱҥалаш сӧра. Посёлкышто 9 контейнер площадке лийшаш. Тыге посёлко йыр шуко вере шӱк-куштыра погынен. Субботник деч вара мер пашаеҥ- влак лӱмын шындыме меҥгылаште шӱкым ида кышке манын, табличке- влакым вераҥденыт.