Российыште калык нерген уверым чумырышо единый регистрым ыштат
Российыште калык нерген уверым чумырышо единый регистрым ыштат. Президент Владимир Путин тидын шотышто законым пеҥгыдемден. Документ почеш регистрыште фамилий, лӱм, ачалӱм, шочмо да колымо кече, ӱдырамаш але пӧръеҥ, еш уке- улмо да гражданство нерген увер ончыкталтеш. Тиде сведений дене кугыжаныш да муниципал орган, сайлыме комиссий, МФЦ, нотариус, гражданин шкеже але законло ӱшан еҥже пайдаланен кертыт. Регистрысе уверым кеч-могай жапыште тӧрлаш лиеш. Тушто биометрий, медицина, юмылан ӱшаныме шотышто увер- влак огыт лий. Уверым налог службылан аралаш кӱштат.