Тошто машинам кудалтен кодет- штрафым тӱлӧ
Кудалтен кодымо автомобильлан машина оза- влаклан штрафым тӱлыкташ тӱҥалыт. Россий Федерацийын административный правонарушений шотышто у Кодексшын проектше дене келшышын, кудывечылаште кудалтен кодымо машинаштлан автомобилист- влаклан кум тӱжем теҥге марте штрафым тӱлыкташ темлалтеш. Тыгай штрафым Кундемым тӱзландарыме шотышто йодмашым пудыртымо нерген статья посна палемдыдыме верлаште кудалтен кодымо але пеле рончымо машинам кодымылан тӱлыкташ кӱлмӧ нерген ойла. Проект почеш тыгак, чарыме верыште машинам мушмылан шижтарымаш але икте гыч кок тӱжем теҥге марте штрафым тӱлыктен кертыт. Газон гоч кайымылан але тушан машинам кодымылан иктат пеле гыч ныл тӱжем теҥге марте, тыгай нарушенийым камерыш возен налме гын кок тӱжем марте штраф вуча. Тиддеч посна йоча модмо, спорт да каныме площадкылаште чарнымылан але тудын гоч кудал эртымылан кокыт гыч вич тӱжем теҥге марте штрафым тӱлыктен кертыт.