Тений шочшо- влак деч колышыжо шукырак лийын
Марий Элыште тений идалык тӱналтыш гыч шочшо- влак деч шукырак еҥ колен. Маристат ЗАГС-ын кугыжаныш реестрже гыч январь-апрельлан показатель- влакым ончен лектын. Тиде жапыште республикыштына кок тӱжемат 91 аза шочын. Шукыжо олаште шочшо улыт. Йошкар-Олаште- 825, 169- Волжскышто, 51- Козьмодемьянскыште. Район- влак кокла гыч эн шуко йоча Медведево кундемыште шочын- 260, кокымшо верыште 124 икшыве дене Звенигово, кумшышто Морко район- 117 аза. Тиде жапыштак кок тӱжемат 706 еҥ илыш дене чеверласен. Тыге колышо- влак 615 еҥлан шукырак лийыныт. Кугырак амалжылан вӱргорно чер, рак да вучыдымо ситуаций, аяргымаш да эмганымаш лийыныт. Ныл тылзе жапыште 671 у мужыр шочын. Тидыже кодшо ийысе деч 14 утла процентлан шагалрак. Ойырлышо- влак шагалрак лийыныт- 587 еш мужыр шаланен. Ӱмаште 774 лийын.