Йошкар-Олаште Сеҥымаш парадын репетицийже- влак тӱҥалыныт
Тиде арнян Йошкар-Олаште Сеҥымаш парадын репетицийже- влак тӱҥалыныт. Тидлан кӧра транспортлан кошташ чарымаш- влак лийыт. Мутлан таче 6 шагат эр гыч 18 шагат марте Ленин лӱмеш площадьыште машинам шогалташ ок лий, Волков уремын Гоголь деч Вашский урем марте ужашыштыже 13 гыч 18 шагат марте. Тыгаяк чарымашым Ленин проспектыште Первомай де Советский урем марте, Комсомол уремын площадь воктелсе ужашыштыже пуртымо. Репетиций- влак эше 10, 15,17-ше июньышто лийыт. Сандене водитель- влак тиде уверым шотыш налшаш улыт.