Марий Эл йот элыш шукырак сатум колтен
Республикысе агропромышленный комплексын йот элыш сатум колтымашыже 17 процентлан ешаралтын. Тенийсе идалык мучаш марте «АПК сатум экспортыш колтымаш» регионысо проектым шыҥдарыме шотышто соглашений дене келшышын, Марий Элыште экспортын кугытшо 15 миллионат 500 тӱжем доллар марте кушшаш. Тений январь-майыште АПК сатун экспортшо ныл миллион долларыш шуын. Тидыже кодшо ийысе тыгаяк жап дене таҥастарымаште 117 процент лиеш. Экспортышто кочкыш сату 37 утла процентым, пырче 24, шыл да шӧр- кокыт, моло сату 35 процентым айленыт.