Эрла Марий Эл Кугыжаныш Погынын 10-шо сессийже почылтеш

Эрла Марий Эл Кугыжаныш Погынын 10-шо сессийже почылтеш. Тудым Республикым вуйлатыше Александр Евстифеевын темлымыж почеш эртараш лийме. Сессийын повесткышкыже кум йодыш каҥашаш лукталтеш. Депутат- влак Республикын тенийсе да ончыкылык 2021-ше да 2022 ийлан бюжетше да обязательный медицина страхований фондын 2020-2022 ийласе бюджетше нерген законлашке вашталтышым пуртат. Каҥашаш темлыме эше ик законопроектше шке оксам пыштен пачерым чоҥаш шонышо да ондалалтше але «ондалалтше дольщик- влакын» праваштым аралымаш дене кылдалтын. Тиде кечынак Депутатын кечыже, чыла комитетын да Кугыжаныш Погын Президиумын заседенийышт эрта.