Таче - социал пашаеҥ- влакын кечышт
Таче социал пашаеҥ- влакын кечышт палемдалтеш. Марий Элым вуйлатыше Александр Евстифеев социал сферыште тыршыше- влакым профессионал пайремышт дене саламла. Социал аралымаш аланыште тыршыше пашаеҥ- влакын пашаштым чынжымак ик эн кӱлешанлан шотлат. Поснак кӱлешан, кӧ шке семын илыш нелылыкым сеҥен ок керт, кӧлан кугу полыш кӱлеш. Тидын годымак тиде куштылго паша огыл. Санденак тиде профессийыш кугу ответственностян, умылен да полшен моштышо, шке жапыштыже кӱлешан шомакым муын моштышо еҥ- влак толыт, - каласен республикым вуйлатыше. Нине качестве гыч кажныже пандемий жапыште моткочак кӱлешан лийын. Социал пашаеҥ- влакын вачӱмбакышт илалше еҥ- влаклан полшымо шотышто кугу нелылык возын. Социал тӧнежлаште тыршыше- влак шке ончымо еҥыштлан черым пижыкташ огыл манын, шке кумылын нунын дене пырля самоизоляцийыш каеныт. Куштылго огыл пашаланда, тӱткылыкда, эре полшаш ямде улмыланда кугу тау. Шкаланда да лишыл еҥда- влаклан пеҥгыде тазалыкым, ончыкылыклан ӱшаным тыланем, - ойлалтеш республикым вуйлатышын саламлымашыштыже.