Чыкма олаште тошкалтыш- влакым олмыктат

Чыкма олаште «Козьмодемьянск олан изи тошкалтышыже- влак» верысе инициативын проектше почеш тошто пу тошкалтыш- влакым олмыкташ тӱналме. Тиде проект муниципал образований- влакын кумдыкыштым вияҥдыме программыш пура. Ондакырак верысе чолга еҥ- влак ола администраций дене пырля проектым ыштеныт ыле. Тушко тоштемше вич пу тошкалтыш пурен. Нуно олан кӱшыл ужашыже гыч ӱлыкӧ волаш да Юл сер ужаш гыч олан курык ӱмбал ужашышкыже кӱзаш ышталтыныт. Нунын дене корным кӱчыкемдаш манын, кажне кечын шӱдӧ дене еҥ пайдалана. Проектын тичмаш акше миллионат пеле теҥгеш шуэш. Паша лишыл кечылаште тӱҥалшаш да кеҥеж мучашлан ыштен шукталтшаш.