МарГУ-што у институт почылтын

Марий Элысе абитуриент- влак Цифран технологий институтыш тунемаш пурен кертыт. Марий Кугыжаныш университетыш тунемаш налме приёмный компаний куан увер дене тӱҥалеш. Тушто кызытсе жаплан йодмаш дене пайланыше у цифран технологий институт почылтын. Тидлан негызым университетын Российысе вӱдышӧ шанче рӱдер- влак дене кылым кучымыжо ыштен. Институт МарГу ден Москосо физико-техничсекий институтын тыршымышт ден почылтын. Тудо «Минц лӱмеш Радиотехничский институтым», «МАК «Вымпелым», «Машиностроенийын рӱдӧ шанче шымлыше институтшым», «Российысе федерал ядерный рӱдерым»-  лӱмлӧ шанче рӱдер- влакым,  ушен шогаш да шанче, туныктымо куатыштым кучылташ полша. Институт цифран экономикылан, инженерийлан, электроэнергетикылан, калыкле лӱдыкшыдымылыклан да искусственный интеллектлан кӱкшӧ  квалификациян специалист- влакым ямдылаш тӱҥалеш. Тудо кум факультет- физико-математический, электроэнергетический; экономика, управлений да финанс институт негызеш ышталтын.