Осал чер деч колышо- влакын чотышт адак ешаралтын

Республикыштына осал чер деч колышо- влакын чотышт адак ешаралтын. Коронавирус кораҥаш ок шоно. Эртыше суткаште гына эше 43 еҥын чержым рашемдыме. Вируслан кӧра эше ик еҥ илыш дене чеверласен да тӱшка чотшо 16 еҥыш шуын. Пандемий тӱҥалме годсек республикыштына кок тӱжемат 104 еҥын чержым пеҥгыдемдыме. Тачысе кечылан 361 еҥ черле. Тымарте тӱжемат 727 еҥ черым сеҥен, эмлалт лектын. Россий мучко ончалаш гын, суткаште 9 тӱжем наре еҥын чержым пеҥгыдемдыме. Суткаште 112 еҥ колен, кум тӱжемат 957 еҥ эмлалт лектын.