Олам тӱзландараш верысе калык шке темлымашыжым пуа
Йошкар-Ола администрацийышке тӱшка кумдык- влакым тӱзландарыме шотышто йодмаш- влак умбакыже пурат. «Кызытсе жапысе ола кумдыкым ыштымаш» муниципал программе Йошкар-Олаште 2017-ше ий годсек шыҥдаралтеш. Кажне ийын тушко оласе калык шукырак тамлымашым пуа, тӱшка каҥашымашке да рейтинг йӱклымашке ушна. Тений 2021-ше ийлан йодмашым 14-ше май гыч погаш тӱҥалме да 13-шо июнь марте шуйна. Тымарте пурышо йодмаш- влак кокла гыч шукыжо йолын коштмо верлам олмыктымаш дене кылдалтыныт. Киров, Суворов, Советский, Лунчарский, Панфилов Прохоров, Машиностроитель, Пролетар да моло уремласе, Семёновка селасе тротуарым олмыкташ темлат. Йодмашым эше колташ лиеш. Нуным рейтинг йӱклымаш почеш ойырен налыт. Йӱклымашке 100 деч шагал огыл темлымашым чумырышо проект- влак гына лукталтыт.