Марий Элым вуйлатыше МВД министр дене вашлийын
Марий Элым вуйлатыше Александр Евстифеев Республикысе эл кӧргӧ паша министр Сергей Волчков дене пашаче вашлиймашым эртарен. Нуно правопорядкым эскерымаште да илышлан лӱдыкшыдымылыкым ыштымаште республикысе кучем ден правам аралыше орган- влак коклаште вашкыл нерген ойленыт. Министерствын пашаже сай лектышым ончыкта. Но тений эше кугу паша ешаралтын. Тиде- корноавируслан шарлаш чаракым ыштымаш, Конституцийыш тӧрлымашым пуртымо шотышто йӱклымаш да законодательный органлаш ешартыш сайлымаш,- каласен Александр Евстифеев. Сергей Волчковын мутшо почеш, осал паша ваштареш кучедалмашым вияҥдымаш, тӱшка порядкым пеҥгыдемдымаш, лӱдыкшыдымылыкым ыштымаш оперативный обстановкым ӱшанлын кучаш йӧным пуэн. Террорист актым, экстремизмым ончыктымашым чарыме, калык коклаште да религий негызеш ваш умылыдымашке шуктымо огыл. Пуштмаш, толымаш, пачер гыч шолыштмашым, уремысе осал пашам шагалемден кертме. Лийше осал пашам почмаш ешаралтын. Утларак ямде улмо режимым пуртымеке, ОВД-н сотрудникше- влак кӱкшӧ профессионализмым ончыктеныт. Александр Евстифеев ӱшаным каласен: кучем орган ден эл кӧргӧ паша орган ончыкыжымат пӱсын шогышо йодыш- влакым пырля чаткан виктараш тӱналыт.