Юрий Зайцев республикысе чыла районыш миен толаш шона

          Марий Элым вуйлатышын сомылжым жаплан шуктышо Юрий Зайцев республикысе чыла районыш миен толаш шонымашыже нерген каласен. Тидын нерген тудо муниципал образованийлам вуйлатыше- влак дене совещанийым эртарымыже годым ойлен. Тудо палемден: тиде кумдаҥдыме совещанийыште тӱҥ паша тезис- влакым рашемдена, но мый кажне районыш миен, тендан дене чакырак палыме лиям да тунам паша нерген келгынрак мутланена. Юрий Зайцев районлаште шыҥдарыме чыла проект ден программе нерген, чыла илемым шотыш налын, уверым ямдылаш кӱштен. Тыгак тудо пӱсын шогышо задаче- влакым рашемден. Нунын коклаште: начар игече шогымылан кӧра аграрий- влаклан полышым пуымо, тул ваштареш жапыштыже кучедалме мероприятий- влак, йоча- влакын кеҥеж канышыштым ямдылыме да моло йодышат улыт. Могай йодыш але проблеме уло- шып ида шинче, увертарыза. Каласыме тема- влакым шке контрольышкыда налза,- каласен республикым вуйлатышын сомылжым шуктышо.
             Фото: Денис Речкин. Марий Элым вуйлатышын организаций да аналитик виктемже.