Тазалыкым пеҥгыдемдыме лагерь- влакын йочам вашлияш ямде улмыштым тергеныт

            Республикыштына тазалыкым пеҥгыдемдыме лагерь- влакын йочам вашлияш ямде улмыштым тергеныт. Кызыт тушто  воктелсе кумдыкым эрыктат, корпуслам тӧрлат, пляжым, пищеблокым шотыш кондат, пашаче кадрым ситарат, йочам шуарыме программым ямдылат. Шуктымо пашам Марий Эл Правительстве председательын икымше алмаштышыже Михаил Васютин ден туныктыш министр Лариса Ревуцкая ончен лектыныт. Нуно «Таир» рӱдерыш, «Кооператор» санаторийыш, Юрий Гагарин лӱмеш лагерьыш миеныт. Вуйлатыше- влак дене мутланыме годым, чыла кӱлешан пашам виктарен колтымым палемденыт да йоча- влаклан лӱдыкшыдымӧ каныш ямде лиеш манын каласеныт.
       Туныктыш министерствын фотожо, «МариМедиа».