«Акашево» сурткайык фабрике спортыштат ончылно

             «Трудовые резервы» корпоратив модмашын 4-ше йыжыҥыштыже «Акашево» сурткайык фабрике шӧртньӧ медальым сеҥен налын. Модмаш Озаҥ олаште эртен. Тушко 650 спортсмен –любитель погынен. Таҥасымашым «Трудовые резервы» Российысе физкультура да спорт ушем Россий спорт министерствын да госкорпораций- влакын полшымышт дене ямдылен. 35 предприятий гыч 650 спортсмен спортын 18 видше дене таҥасеныт. Тиде модмаште «Эн сай» лӱмым «Акашево» сурт-кайык фабрикын командыже сеҥен налын. Тудын участникше- влак кум тӱжемат 570 очком погеныт. Ший медаль «Салават химзаводын» командыжлан, кумшо вер «Казаньгеофизика» ушемлан логалын.
           Фото: «Трудовые резервы. Российысе физкультура да спорт ушем» сайт гыч, «МариМедиа».