Канаш огыт ярсе

Республикысе общественный палате кеҥеж жапыште самырык-влакын пашам ыштымышт шотышто «йыргешке» ӱстелым эртарен. Тушто палемдыме почеш, кажне кумшо студент каникулышто пашам ышташ ямде. Иктышт шкаланышт келшыше пашам шке кычалыт, весышт паша верым ситарыме шотышто рӱдер гоч. Студент отрядлашке ушнышо-влакат шагалын огытыл. Нуно чоҥымо да проводник-влакын отрядышкышт ушнат, йоча лагерьлашке вожатыйлан каят.