Электрон але кагаз книга?

Йошкар-Оласе да Медведево районысо чыла школышто электрон библиотеке-влак пашам ышташ тӱҥалыныт. Тиде «ЛитРес» электрон книгагудо дене пырля илышыш пурталтше проект. Тунемше-влак Российысе электрон книгагудышто регистрацийым гына эртышаш улыт, оксам тӱлыман огыл. Кажне школышто куар код уло, тудым сканироватлен, цифран книгам муаш лиеш. Тидыже уроклан да экзаменлан ямдылалташ пеш йӧнан.